વડોદરા: વાઘોડિયા તાલુકાના કમલાપુરા ગામની સિદ્ધિ વિનાયક હોમ્સ સોસાયટીમાં મકાન ભાડે રાખી ઓનલાઈન જુગાર ચલાવવામાં આવતો હોવાનો પર્દાફાશ થયો છે. જિલ્લા LCBની ટીમે મળેલી બાતમીના આધારે મોડી રાત્રે દરોડો પાડી કુલ 7 શખ્સોને ઝડપી પાડ્યા હતા.પોલીસે દરોડા દરમિયાન મકાનમાંથી 3 લેપટોપ, 11 મોબાઈલ ફોન, રોકડ રકમ, વાઇફાઇ રાઉટર અને એક કાર સહિત કુલ રૂ.7.37 લાખનો મુદ્દામાલ કબજે કર્યો હતો.પોલીસ તપાસમાં લેપટોપમાં ઓનલાઈન જુગારની આઈડી ખુલ્લી મળી આવી હતી. કેટલાક લેપટોપમાં ગ્રાહકોના એકાઉન્ટ, જમા થયેલી રકમ તેમજ પ્રોફિટ-લોસની વિગતો પણ મળી આવી હતી.પોલીસના જણાવ્યા મુજબ, રાજેશ ઉર્ફે રાજુ અમરત વિહોલે મકાન ભાડે રાખ્યું હતું અને આશરે રૂ.25 હજારના પગાર પર ઓપરેટરો રાખી ઓનલાઈન જુગારનું સંચાલન કરાવતો હતો.આ કેસમાં રાજેશ ઉર્ફે રાજુ અમરત વિહોલ, નિર્મલ અનિલ પટેલ, નિકુંજ દેવેન્દ્ર પટેલ, સંજયસિંગ ચંદનસિંગ કછવાહા, રોહીત રમેશ પ્રજાપતિ, રાકેશ ગોરધન મેતલીયા અને ગ્યાનસિંગ રામચરણ શર્મા સહિત કુલ 7 શખ્સો સામે કાર્યવાહી કરવામાં આવી છે.પોલીસે તમામ સામે ગુનો નોંધી વધુ તપાસ હાથ ધરી છે. ઓનલાઈન જુગારનું નેટવર્ક કેટલા સમયથી ચાલતું હતું અને તેમાં અન્ય કેટલા લોકો સંડોવાયેલા છે તે અંગે પણ તપાસ કરવામાં આવી રહી છે
જાણશે ગુજરાત એક વિશ્વસનીય સાપ્તાહિક અખબાર અને ડિજિટલ ન્યૂઝ પ્લેટફોર્મ છે, ગુજરાતના તાજા સમાચાર અને મહત્વપૂર્ણ અપડેટ્સ માટેનું તમારું વિશ્વસનીય માધ્યમ છે.અમે રાજકારણ, સમાજ, સંસ્કૃતિ, શિક્ષણ, વિકાસ, સ્થાનિક સમસ્યાઓ અને અન્ય મહત્વપૂર્ણ વિષયો પર આધારિત સચોટ, સમયસર અને નિષ્પક્ષ સમાચાર પ્રદાન કરીએ છીએ.અમારી સમર્પિત પત્રકારોની ટીમ દ્વારા અમે તમારા સુધી એવા સમાચાર પહોંચાડીએ છીએ, જે ખરેખર મહત્વ ધરાવે છે