સ્વતંત્રતા પર્વની ઉજવણીના ભાગરૂપે બોડેલી નગર ખાતે જિલ્લા વહીવટી તંત્ર દ્વારા ભવ્ય તિરંગા યાત્રાનું આયોજન કરવામાં આવ્યું હતું. રાષ્ટ્રધ્વજના સન્માન અને લોકોમાં દેશભક્તિ તથા રાષ્ટ્રગૌરવની ભાવના વધુ પ્રબળ બને તે હેતુથી યોજાયેલી આ યાત્રામાં મોટી સંખ્યામાં નગરજનો જોડાયા હતા.
છોટાઉદેપુર જિલ્લાના બોડેલીના જિંદાલ કોમ્પ્લેક્સ ખાતેથી ભવ્ય તિરંગા યાત્રાનો પ્રારંભ કરવામાં આવ્યો હતો. યાત્રા અલીપુરા ચોકડી થઈને સેવા સદન ખાતે પરત ફરી હતી. તિરંગા યાત્રામાં પ્રાંત અધિકારી ભૂમિકા રાઓલ , નાયબ જીલ્લા પોલીસ વડા હર્ષ શર્મા , બોડેલી પી આઈ પ્રિયાંક બરંડા સહિત જિલ્લાના અધિકારીઓ અને કર્મચારીઓ જોડાયા હતા.
આ ઉપરાંત નગરપાલિકાના ચૂંટાયેલા સભ્યો, શાળાના વિદ્યાર્થીઓ, યુવાનો, વેપારી વર્ગ તેમજ વિવિધ સમાજ અને ધર્મના આગેવાનો મોટી સંખ્યામાં ઉત્સાહભેર જોડાયા હતા.અને
સમગ્ર યાત્રા દરમિયાન ગુંજતા દેશભક્તિના નારા અને હાથમાં લહેરાતા તિરંગાથી બોડેલી નગર દેશભક્તિના રંગે રંગાઈ ગયું હતું.
જાણશે ગુજરાત એક વિશ્વસનીય સાપ્તાહિક અખબાર અને ડિજિટલ ન્યૂઝ પ્લેટફોર્મ છે, ગુજરાતના તાજા સમાચાર અને મહત્વપૂર્ણ અપડેટ્સ માટેનું તમારું વિશ્વસનીય માધ્યમ છે.અમે રાજકારણ, સમાજ, સંસ્કૃતિ, શિક્ષણ, વિકાસ, સ્થાનિક સમસ્યાઓ અને અન્ય મહત્વપૂર્ણ વિષયો પર આધારિત સચોટ, સમયસર અને નિષ્પક્ષ સમાચાર પ્રદાન કરીએ છીએ.અમારી સમર્પિત પત્રકારોની ટીમ દ્વારા અમે તમારા સુધી એવા સમાચાર પહોંચાડીએ છીએ, જે ખરેખર મહત્વ ધરાવે છે