ગાંધીનગર: રાજ્યમાં ચોમાસાએ ફરી જોર પકડ્યું છે. છેલ્લા 24 કલાક દરમિયાન ગુજરાતના 27 જિલ્લાના 109 તાલુકામાં વરસાદ નોંધાયો છે. દક્ષિણ ગુજરાતમાં વરસાદનું જોર વધુ જોવા મળ્યું છે. વલસાડ જિલ્લાના કપરાડા તાલુકામાં સૌથી વધુ અંદાજે 2.5 ઇંચ વરસાદ નોંધાતા નીચાણવાળા વિસ્તારોમાં પાણી ભરાવાની સ્થિતિ સર્જાઈ હતી. રાજ્યના અનેક વિસ્તારોમાં હળવાથી મધ્યમ વરસાદ વરસતા ખેડૂતોમાં ખુશીનો માહોલ જોવા મળી રહ્યો છે. વરસાદને કારણે ખેતરોમાં વાવેતર માટે અનુકૂળ પરિસ્થિતિ સર્જાઈ છે, જ્યારે નદીઓ, તળાવો અને ચેકડેમોમાં નવા પાણીની આવક થતાં જળસંગ્રહમાં વધારો નોંધાઈ રહ્યો છે. બીજી તરફ રાજ્યના મુખ્ય જળાશયો સરદાર સરોવર ડેમ અને ઉકાઈ ડેમમાં પણ સતત પાણીની આવક વધી રહી છે. જળસ્તરમાં વધારો થતાં સિંચાઈ અને પીવાના પાણીની દૃષ્ટિએ રાહતના સમાચાર સામે આવ્યા છે. હવામાન વિભાગે આગામી દિવસોમાં પણ દક્ષિણ અને મધ્ય ગુજરાતના કેટલાક વિસ્તારોમાં હળવાથી ભારે વરસાદની આગાહી વ્યક્ત કરી છે.
જાણશે ગુજરાત એક વિશ્વસનીય સાપ્તાહિક અખબાર અને ડિજિટલ ન્યૂઝ પ્લેટફોર્મ છે, ગુજરાતના તાજા સમાચાર અને મહત્વપૂર્ણ અપડેટ્સ માટેનું તમારું વિશ્વસનીય માધ્યમ છે.અમે રાજકારણ, સમાજ, સંસ્કૃતિ, શિક્ષણ, વિકાસ, સ્થાનિક સમસ્યાઓ અને અન્ય મહત્વપૂર્ણ વિષયો પર આધારિત સચોટ, સમયસર અને નિષ્પક્ષ સમાચાર પ્રદાન કરીએ છીએ.અમારી સમર્પિત પત્રકારોની ટીમ દ્વારા અમે તમારા સુધી એવા સમાચાર પહોંચાડીએ છીએ, જે ખરેખર મહત્વ ધરાવે છે