વડોદરા શહેરમાં ઈ-બસમાં સ્ટોપ સ્વીચ દબાવી રીલ બનાવવાના મામલે વિવાદ સર્જાયા બાદ રીલ બનાવનાર જયદીપ ઝાલાએ મ્યુનિસિપલ કોર્પોરેશન સમક્ષ માફી માંગી છે. યુવકે અજ્ઞાનતામાં આ પ્રકારની રીલ બનાવી હોવાનું જણાવી તંત્રને માફી આપવા વિનંતી કરી છે. ઈ-બસમાં સ્ટોપ સ્વીચ દબાવી દેવાના કારણે બસમાં એલાર્મ વાગ્યું હતું અને દરવાજો ખુલવાની સ્થિતિ સર્જાઈ હતી. આ સમગ્ર ઘટનાનો વીડિયો બનાવી સોશિયલ મીડિયા પર રીલ મૂકવામાં આવતા ઈ-બસમાં મુસાફરોની સલામતી સામે સવાલો ઊભા થયા હતા. મામલો ધ્યાન પર આવ્યા બાદ મ્યુનિસિપલ કોર્પોરેશન દ્વારા આવી પ્રવૃત્તિ ન કરવા માટે સૂચના આપવામાં આવી હતી. તંત્રની સૂચના બાદ જયદીપ ઝાલાએ પોતાની ભૂલ સ્વીકારી માફી માંગી હતી અને અજ્ઞાનતામાં આ રીલ બનાવી હોવાનું જણાવ્યું હતું.
ઈ-બસમાં ઇમરજન્સી અને સલામતી માટે આપવામાં આવેલા સ્વીચનો મનોરંજન કે સોશિયલ મીડિયા રીલ માટે ઉપયોગ ન થાય તે અંગે તંત્ર દ્વારા લોકોને પણ અપીલ કરવામાં આવી છે. આવી પ્રવૃત્તિથી મુસાફરોની સુરક્ષા જોખમાઈ શકે છે તેમજ બસના સંચાલનમાં પણ વિક્ષેપ પડી શકે છે.
જાણશે ગુજરાત એક વિશ્વસનીય સાપ્તાહિક અખબાર અને ડિજિટલ ન્યૂઝ પ્લેટફોર્મ છે, ગુજરાતના તાજા સમાચાર અને મહત્વપૂર્ણ અપડેટ્સ માટેનું તમારું વિશ્વસનીય માધ્યમ છે.અમે રાજકારણ, સમાજ, સંસ્કૃતિ, શિક્ષણ, વિકાસ, સ્થાનિક સમસ્યાઓ અને અન્ય મહત્વપૂર્ણ વિષયો પર આધારિત સચોટ, સમયસર અને નિષ્પક્ષ સમાચાર પ્રદાન કરીએ છીએ.અમારી સમર્પિત પત્રકારોની ટીમ દ્વારા અમે તમારા સુધી એવા સમાચાર પહોંચાડીએ છીએ, જે ખરેખર મહત્વ ધરાવે છે