વડોદરા: દુષ્કર્મના ગુનામાં ઝડપાયેલા એક આરોપીએ વડોદરાની સરકારી હોસ્પિટલમાં સારવાર માટે લાવવામાં આવ્યા બાદ પોલીસને ધક્કો મારીને ફરાર થઈ જતાં પોલીસ તંત્રમાં હડકંપ મચી ગયો છે. સમગ્ર ઘટના હોસ્પિટલમાં લાગેલા CCTV કેમેરામાં કેદ થઈ છે.
માહિતી મુજબ, આરોપીને તબીબી તપાસ માટે હોસ્પિટલમાં લાવવામાં આવ્યો હતો. તે દરમિયાન તકનો લાભ લઈ તેણે ફરજ પર રહેલા પોલીસકર્મીને ધક્કો મારી દોડ લગાવી હતી. આરોપી અંદાજે 25 સેકન્ડમાં હોસ્પિટલ પરિસરમાંથી બહાર નીકળી ગયો હોવાનું CCTV ફૂટેજમાં સામે આવ્યું છે.
ઘટનાની જાણ થતાં જ વડોદરા પોલીસે શહેરભરમાં નાકાબંધી કરી સર્ચ ઓપરેશન શરૂ કર્યું છે. આરોપીને શોધવા માટે અલગ-અલગ પોલીસ ટીમો બનાવવામાં આવી છે. સંભવિત વિસ્તારોમાં ડ્રોનની મદદથી પણ શોધખોળ કરવામાં આવી રહી છે તેમજ CCTV ફૂટેજના આધારે આરોપીની હિલચાલ ટ્રેસ કરવાનો પ્રયાસ ચાલી રહ્યો છે આ ઘટના બાદ પોલીસ અધિકારીઓએ આરોપીને ઝડપવા માટે તમામ સંભવિત સ્થળોએ તપાસ તેજ કરી હોવાનું જણાવ્યું છે.
જાણશે ગુજરાત એક વિશ્વસનીય સાપ્તાહિક અખબાર અને ડિજિટલ ન્યૂઝ પ્લેટફોર્મ છે, ગુજરાતના તાજા સમાચાર અને મહત્વપૂર્ણ અપડેટ્સ માટેનું તમારું વિશ્વસનીય માધ્યમ છે.અમે રાજકારણ, સમાજ, સંસ્કૃતિ, શિક્ષણ, વિકાસ, સ્થાનિક સમસ્યાઓ અને અન્ય મહત્વપૂર્ણ વિષયો પર આધારિત સચોટ, સમયસર અને નિષ્પક્ષ સમાચાર પ્રદાન કરીએ છીએ.અમારી સમર્પિત પત્રકારોની ટીમ દ્વારા અમે તમારા સુધી એવા સમાચાર પહોંચાડીએ છીએ, જે ખરેખર મહત્વ ધરાવે છે